Мэтээллээх Тиэхээн аата умнуллубат - Новости - МБОУ-АСОШ им.Т.М.Каженкина

Перейти к контенту

Главное меню:

Мэтээллээх Тиэхээн аата умнуллубат

Опубликовано вход Новость ·
\tАтырдьах ыйын 21 күнүгэр Арыылаах нэһилиэгэр Тихон Михайлович Каженкин-Мэтээллээх Тиэхээн бүүһүн үөрүүлээх аһыллыыта киэҥ далааһыннаахтык ыытылынна.

\tБэлиэ күн Дьокуускай куораттан Тихон Михайлович удьуордара Анна Каженкина, сиэннэрэ, аймахтара, Сергий аҕабыыт, улуус дьаһалтатын социальнай салалтатын начаалынньыга Мария Заболоцкая, А.А.Саввин аатынан этнография уонна устуоруйа  мусуойун дириэктэрэ Юрий Толстоухов, улуустааҕы уопсастыбыннай түмсүү салайааччыта Мария Дьячковская, ыаллыы сытар Кытаанах нэһилиэгин баһылыга Егор Потапов туһааннаах дэлэгээссийэтиниин уонна нэһилиэк олохтоохтор кыттыыны ыллылар.

\tТихон Михайлович Каженкин бүүһүн сиэнэ Анна Каженкина уонна хос хос сиэнэ Борис Каженкин Үөһээ Бүлүү маастарыгар Николай Ноччоевка тус үптэринэн оҥорторбуттар. Бүүһү Мэтээллээх Тиэхээн хос хос сиэннэрэ үөрүүлээх түгэҥҥэ арыйдылар. Онтон Сергий аҕабыыт мэлииппэ ааҕа ааҕа  мустубут дьону сибэтиэй уунан ыраастаата, салгыы таҥара дьиэтигэр тиийэн куолакал лыҥкынас тыаһыгар куту-сүрү ыраастаныы сиэрэ-туома толорулунна.

\tИти курдук, меценат Тихон Михайлович Каженкин нэһилиэгэр, үөрэх сайдарыгар оҥорбут тугунан да кэмнэммэт үтүөтэ умнуллубакка, үйэтитиллэ туруоҕа.

 



Назад к содержимому | Назад к главному меню